ရန်ကုန်- ဒလ မြစ်ကူးတံတားစီမံကိန်း ကန့်ကွက်မှုတွေနဲ့ ကြုံတွေ့နေရ
24 November 2018 22:08
ရန်ကုန် - ဒလ တံတားစီမံကိန်းနဲ့ အကောင်အထည်ဖော်မယ့် အစီအစဉ်ကို ဆောက်လုပ်ရေးဝန်ကြီးဌာနနဲ့ လွှတ်တော်ကိုယ်စားလှယ်တွေက ဒလမြို့နယ်မှာ ဒီနေ့ သတင်းစာရှင်းလင်းပွဲ ကျင်းပရာမှာ ပြောကြားခဲ့တာ ဖြစ်ပါတယ်။
ရန်ကုန် - ဒလ တံတားစီမံကိန်းကို ကိုရီးယားနိုင်ငံနဲ့ ပူးပေါင်းတည်ဆောက်မှာဖြစ်ပြီး မြန်မာ- ကိုရီးယား နှစ်နိုင်ငံ သဘောတူညီချက်ကို နိုင်ငံတော် သမ္မတ ကိုယ်တိုင် လက်မှတ် ရေးထိုးထားပြီးဖြစ်တာကြောင့် ကန့်ကွက်မှုတွေ ရှိပေမယ့် ဆက်လက်ဆောင်ရွက်သွားမယ်လို့ ဆောက်လုပ်ရေး ဝန်ကြီးဌာန တာဝန်ရှိသူတွေနဲ့ လွှတ်တော် ကိုယ်စားလှယ် ဦးထွန်းရင်က ဒလမြို့ဒေသခံတွေနဲ့ ဒီနေ့တွေ့ဆုံရာမှာ ပြောခဲ့ပါတယ်။
ဒါကြောင့် လာမယ့် ဒီဇင်ဘာလ ၂၃ ရက်နေ့မှာ တံတားတည်ဆောက်ရေး ပန္နက်တင်အခမ်းအနားကို ကျင်းပသွားမယ်လို့လည်း ပြောပါတယ်။
ဒလမြို့နယ် ပြည်သူတွေအနေနဲ့ တံတားတည်ဆောက်ရေး မလုပ်မှာကို စိုးရိမ်နေတာတွေရှိတာကြောင့် ဆန္ဒပြတောင်ဆိုတာတွေရှိခဲ့ပြီး ပြည်သူတွေအနေနဲ့ မစိုးရိမ်ကြဖို့ကိုလည်း လွှတ်တော်ကိုယ်စားလှယ်တွေက ပြောပါတယ်။
ဒီသတင်းကို RFA သတင်းထောက် ကိုအောင်သိင်္ခပေးပို့တာပါ။
No comments:
Post a Comment